கொம்பாக்கம் குப்பம்பேட் பகுதியில் பொங்கல் திருநாளை முன்னிட்டு திமுக சார்பில் ஏற்பாடு செய்யப்பட்டிருந்த விளையாட்டுப் போட்டியை துவக்கி வைத்த எதிர்க்கட்சித் தலைவர்..

 

புதுச்சேரி வில்லியனூர் தொகுதிக்குட்பட்ட கொம்பாக்கம் பகுதியில் உள்ள குப்பம்பேட் இளைஞர்கள் சார்பில் பொங்கல் திருநாளை முன்னிட்டு பல்வேறு விளையாட்டு போட்டிகள் ஏற்பாடு செய்யப்பட்டிருந்தது. இந்நிகழ்ச்சியில் தொகுதியின் சட்டமன்ற உறுப்பினரும், சட்டப்பேரவை எதிர்க்கட்சித் தலைவருமான சிவா மற்றும் மாநில தலைமை செயற்குழு உறுப்பினர் சன்.குமரவேல்,மநில தலைமை பொதுக்குழு உறுப்பினர் சன்.சண்முகம் , மாநில இளைஞரணி துணை அமைப்பாளர் முகிலன், டாக்டர். தேவேந்திரன் ஆகியோர்

கலந்து கொண்டு கைப்பந்து போட்டியில் கலந்து கொண்ட விளையாட்டு வீரர்களுக்கு உபகரணங்களை வழங்கி வாழ்த்து தெரிவித்து விளையாட்டு போட்டியை துவக்கி வைத்தனர். மேலும் நடைபெற்ற பல்வேறு போட்டிகளுக்கான பரிசுகளையும் வழங்கினர். அதனைத் தொடர்ந்து விளையாட்டுப்போட்டி துவக்க விழா மற்றும் பரிசளிப்பு விழாவில் திமுக தொகுதி நிர்வாகிகள் மோகன், பாஸ்கர் கலந்து கொண்ட நிகழ்ச்சியில் மாநில திமுக ஆதிதிராவிட நலக்குழு துணை அமைப்பாளர் சக்திவேல் ஏற்பாட்டில் ஊர் இளைஞர்கள் உடனிருந்து நிகழ்ச்சிக்கான ஏற்பாடுகளில் சிறப்பாக செய்திருந்தனர்.