சிறப்பாக செயல்பட்ட வடக்கு குற்றப்பிரிவு காவலர்களை சீனியர் எஸ்.பி காலைவாணன் சால்வை அணிவித்து பாராட்டு..

புதுச்சேரி எஸ்பி வீர வல்லவன் மேற்பார்வையில், கோரிமேடு இன்ஸ்பெக்டர் பாலமுருகன், சப் இன்ஸ்பெக்டர் ரமேஷ் தலைமையில் வடக்கு குற்றப்பிரிவு போலீசார் சிறப்பாக செயல்பட்டு வருகின்றனர்.

குறிப்பாக கோரிமேடு காவல் நிலையத்துக்கு உட்பட்ட சாரம் ஐயப்பன் நகரில் உள்ள ஒரு வீட்டில் புகுந்து மர்ம நபர்கள் கத்தி முனையில் கொள்ளை அடித்து சென்றனர். இந்த வழக்கில் சிறப்பாக செயல்பட்ட கோரிமேடு போலீசார் மற்றும் வடக்கு குற்றப்பிரிவு தலைமை காவலர் ராஜு மற்றும் காவலர்கள் கோவிந்தன், ஹரிஹரன், இசை வேந்தன்,ஜெயக்குமார், ராஜசேகர்,டேவிட் சுந்தரராமன் ஆகியோரை சீனியர் எஸ்.பி கலைவாணன் சால்வை அணிவித்து வெகுவாக பாராட்டி ஊக்கப்படுத்தினார்.