பாரதிய ஜனதா கட்சியின் உருளையன்பேட்டை தொகுதி தலைவராக‌ மீண்டும் தேர்ந்தெடுக்கப்பட்ட சக்திவேல்..

 

புதுச்சேரி பாரதிய ஜனதா கட்சியின் உருளையன்பேட்டை தொகுதி தலைவராக சக்திவேல் மீண்டும் தேர்ந்தெடுக்கப்பட்டார். 

 இதனைத் தொடர்ந்து,சக்திவேல் தலைமையில் மோடி ஜி ஆட்டோ ஓட்டுனர்கள் சங்கத்தினர் மற்றும் நூற்றுக்கும் மேற்பட்டோர் இருசக்கர வாகனங்களில் பேரணியாக மேளதாளத்துடன் அமைச்சர் நமச்சிவாயம் இல்லத்திற்கு சென்று, அவருக்கு ஆளுயர மாலை அணிவித்து பொங்கல் வாழ்த்து தெரிவித்தனர்.

இந்நிகழ்ச்சியில் உருளையன்பேட்டை பாஜக மாநில செயலாளர் சாம்ராஜ், மாநில சிறுபான்மையினர் அணி தலைவர் அந்துமான் பிரபு, மாநில செயற்குழு உறுப்பினர் ஜெயப்பிரகாஷ் நாராயணன் உட்பட பாஜக நிர்வாகிகள் திரளாக கலந்து கொண்டனர்.