தூத்துக்குடி மாநகராட்சியில் சமத்துவ பொங்கல் விழா..

 

தூத்துக்குடி மாநகராட்சி அலுவலகத்தில் நடந்த பொங்கல் விழாவில் மேயர் ஜெகன் பெரியசாமி, ஆணையர் மதுபாலன் ஆகியோர் பல்வேறு போட்டிகளில் பங்கேற்று விளையாடினர்.

தமிழ்நாடு முழுவதும் உள்ள அரசு அலுவலகங்கள், மாவட்ட ஆட்சித்தலைவர் அலுவலகம், மாநகராட்சி, நகராட்சி, ஒன்றிய அலுவலகம், பேருராட்சி, ஊராட்சி உள்ளிட்ட பகுதிகளில் தமிழர் திருநாளான பொங்கல் விழாவினை சமத்துவ பொங்கல் விழாவாக கொண்டாட வேண்டுமென்று தமிழ்நாடு அரசு சார்பில் அறிவிக்கப்பட்டிருந்தது.

இந்நிலையில் தூத்துக்குடி மாநகராட்சி சார்பில் மாமன்ற உறுப்பினர்கள், மாநகராட்சி அதிகாரிகள் மற்றும் ஊழியர்கள் பங்கேற்ற சமத்துவ பொங்கல் விழா மாநகராட்சி அலுவலக வளாகத்தில் நடைபெற்றது. இதில், மேயர் ஜெகன் பெரியசாமி, ஆணையர் மதுபாலன், அலுவலக பணியாளர்கள் மற்றும் மாமன்ற உறுப்பினர்கள் பாரம்பரிய உடையான வேட்டி, சட்டையணிந்து கொண்டு பங்கேற்றனர். சமத்துவ பொங்கல் விழாவை மேயர் ஜெகன் பெரியசாமி, ஆணையர் மதுபாலன் ஆகியோர் துவக்கி வைத்தனர். தொடர்ந்து மகளிர் மாமன்ற உறுப்பினர்கள், ஊழியர்கள் பொங்கல் வைத்தும், கரும்பு, மஞ்சள், மற்றும் பல வகையான காய்கனி வகைகள் படையலுடன் சமத்துவ பொங்கல் கொண்டாடினர்.  

பின்னர் பாரம்பரிய விளையாட்டு போட்டிகளான கயிறு இழுத்தல், பானை உடைத்தல், பாட்டிலில் நீர் நிரப்புதல், முறுக்கு கடித்தல், மியூசிக்கல் சேர், லக்கி நம்பர், பலூன் உடைத்தல், பூன் மூலம் எலும்பிச்சை பழத்தை வாயில் வைத்து கொண்டு செல்லுதல் உள்ளிட்ட பல்வேறு விளையாட்டு போட்டிகள் ஆண், பெண் என இருபாலருக்கும் தனித்தனியே நடைபெற்றது. இதில் மேயர் ஜெகன் பெரியசாமி, ஆணையர் மதுபாலன் மற்றும் மாமன்ற உறுப்பினர்கள், அதிகாரிகள் மற்றும் ஊழியர்கள் பங்கேற்ற விளையாடினர். தொடர்ந்து பரதநாட்டியம், சிலம்பாட்டம், கும்மிப்பாட்டு, தப்பாட்டம் உள்ளிட்ட கலை நிகழ்ச்சிகளும் நடைபெற்றது. இதில் வெற்றி பெற்றவர்களுக்கு பரிசுகள் வழங்கப்பட்டன. மாநகராட்சி நிர்வாக வளர்ச்சிக்கு அனைவரும் ஒற்றுமையாக பணியாற்றுவோம், அனைவரும் தூய்மையை கடைபிடிப்போம் என்பதை வலியுத்தும் வகையில் பெண்கள் கோலாட்டம் ஆடி விழிப்புணர்வை ஏற்படுத்தினர்.

நிகழ்ச்சியில் துணை மேயர் ஜெனிட்டா, துணை ஆணையர் சரவணக்குமார், உதவி ஆணையர்கள் சுரேஷ்குமார், கல்யாணசுந்தரம், பாலமுருகன், வெங்கட்ராமன், துணைபொறியாளர் சரவணன், நகரமைப்புத் திட்ட செயற்பொறியாளர் ரெங்கநாதன், உதவி செயற்பொறியாளர்கள் காந்திமதி, முனீர் அஹமது, மேயர் நேர்முக உதவியாளர் ரமேஷ், ஆணையர் நேர்முக உதவியாளர் துரைமணி, சுகாதார ஆய்வாளர் ராஜசேகர், ஸ்டாலின் பாக்கியநாதன், நெடுமாறன், இளநிலை பொறியாளர் சேகர், மாநகராட்சி மண்டலத் தலைவர்கள் பாலகுருசுவாமி, நிர்மல்ராஜ், அன்னலெட்சுமி, கலைச்செல்வி மற்றும் மாமன்ற உறுப்பினர்கள், திமுக பொதுக்குழு உறுப்பினர் கோட்டுராஜா, மாநகர மீனவரணி அமைப்பாளர் டேனியல், பகுதி சபா உறுப்பினர் ஆர்தர் மச்சாது, வட்டச்செயலாளர் ரவீந்திரன், வட்ட பிரதிநிதிகள் அருணகிரி, மார்ஷல், போல்பேட்டை பகுதி திமுக பிரதிநிதிகள் பிரபாகரன், ஜேஸ்பர் உள்ளிட்ட பலர் கலந்து கொண்டனர். 

செ.அந்தோணி இன்பராஜ், தூத்துக்குடி மாவட்ட செய்தியாளர்.