அகில இந்திய காங்கிரஸ் கட்சியின் பொதுச்செயலாளர் பிரியங்கா காந்தி எம்பி பிறந்தநாள் விழா..

 

அகில இந்திய காங்கிரஸ் கட்சியின் பொதுச்செயலாளர் பிரியங்கா காந்தி எம்பி பிறந்தநாள் விழா, ராகுல் காந்தி தேசிய பேரவை சார்பில் புதுச்சேரியில் வெகு விமர்சையாக கொண்டாடப்பட்டது.ராகுல் காந்தி தேசிய பேரவை தலைவரும், ஊடக பிரிவு சேர்மனுமான ஆர்.இ சேகர் தலைமையில், பொதுக்குழு உறுப்பினரும்,பேரவை துணை தலைவருமான திருவேங்கடம் முன்னிலையில் முதல் நிகழ்வாக மணக்குள விநாயகர் ஆலயத்தில் சிறப்பு பூஜை செய்யப்பட்டு, பக்தர்களுக்கு அன்னதானம் வழங்கப்பட்டது.

அதனைத் தொடர்ந்து தூய இருதய ஆண்டவர் ஆலயத்தில் சிறப்பு பிரார்த்தனையும், முல்லா வீதியில் உள்ள தர்காவில் சிறப்பு தொழுகை நடைபெற்றது.இந்த மூன்று நிகழ்ச்சிகளிலும் சிறப்பு விருந்தினர்களாக முன்னாள் முதல்வர் நாராயணசாமி, முன்னாள் அமைச்சர் கந்தசாமி, வைத்தியநாதன் எம்எல்ஏ, முன்னாள்‌ எம்எல்ஏ கார்த்திகேயன், மாநில துணை தலைவர் தேவதாஸ் ஆகியோர் கலந்து கொண்டு சிறப்பித்தனர். 

அதனைத் தொடர்ந்து வண்ண அருவி கலைக்கூடத்தில் மாணவர்களுடன் கேக் வெட்டி கொண்டாடப்பட்டது. பின்னர் ஏழை எளிய மக்களுக்கு புடவை வேட்டி உள்ளிட்ட நலத்திட்ட உதவிகள் வழங்கப்பட்டன.

இந்த நிகழ்ச்சியில் காங்கிரஸ் கட்சி நிர்வாகிகள் மருது பாண்டியன்,அசோகன்,அமுதரசன்,தயாளன்,தனுசு,செந்தில் குமார்,முத்து ரங்கம்,சூசை ராஜ்,மோகன்தாஸ்,நாக சத்யா,பிரபு,சங்கர் பாபு,பஞ்சகாந்தி, விஜயலட்சுமி ஜெயமூர்த்தி, டாக்டர் விஜயகுமாரி,முத்தமிழ்,நிஷா,சாந்தி, ராஜாராமன்,முத்துரங்கம்,சிவபாரதி, தமிழழகன்,உதய குமார்,சாம்பசிவம், ஆனந்த் மற்றும் வண்ண அருவி நிருவனர் ராஜேஷ், ஓவிய ஆசிரியர்கள் சக்தி தாசன்,ராமன், ஆனந்த் உட்பட பலர் கலந்து கொண்டனர்.