2ஆம் ஆண்டு செவிலியர்பயிற்சி மாணவர்கள், ஒளிவிளக்கேற்றி உறுதிமொழி ஏற்கும் விழா..

 

புதுச்சேரி, கதிர்காமம், இந்திராகாந்தி மருத்துவ கல்லூரி மற்றும் ஆராய்ச்சி நிறுவனத்தின் செவிலியக் கல்லாரியில் புதிதாக சேர்க்கப்பட்ட 2 ஆண்டு செவிலிய மாணவர்களுக்கான ஒளி விளக்கேற்றி உறுதிமொழி ஏற்கும் விழா இன்று கல்லூரி வளாகத்தில் சிறப்பாக கொண்டாடப்பட்டது.

இவ்விழாவில் முதலமைச்சர் ரங்கசாமி கலந்து கொண்டு புதியதாக பயிற்சியைத் தொடங்க இருக்கும் செவிலிய மாணவர்களுக்கு ஒளி விளக்கேற்றி தலைமை உரை ஆற்றினார். 

 சட்டப்பேரவைத் தலைவர் செல்வம், சட்டமன்ற உறுப்பினர் ரமேஷ், இந்திராகாந்தி அரசு மருத்துவ கல்லூரியின் இயக்குநர் டாக்டர் உதயசங்கர், கல்லூரி தலைவர் டாக்டர் ராமசந்திரன்,மருத்துவ கண்காணிப்பாளர் டாக்டர் ஜோசப் ராஜேஷ் மற்றும் மருத்துவர்கள், செவிலியர்கள் பலரும் இவ்விழாவில் கலந்து கொண்டனர்.

முன்னதாக, இவ்விழாவிற்கு வருகை புரிந்த சிறப்பு விருந்தினார்கள் அனைவரையும் செவிலிய கல்லூரியின் முதல்வர் டாக்டர் பிரமிளா தமிழ்வாணன் வரவேற்றார். முனைவர் டாக்டர் கணேஷ் ஆண்டறிக்கை வாசித்தார். செவிலிய அதிகாரிகளின் பொறுப்பு அதிமாரி சுமதி ப்ளாரன்ஸ் நைட்டிங்கேல் உரையை வாசிக்க செவிலிய மாணவ மாணவியர்கள் அதனை வழிமொழிந்தனர்.