சாண்டி கல்லூரியில் குழந்தைகள் பாதுகாப்பு மன்றம் தொடக்க விழா.!!

தூத்துக்குடி சாண்டி கல்வியல் கல்லூரியில் குழந்தைகள் பாதுகாப்பு மன்ற தொடக்க விழா நடைபெற்றது.

தூத்துக்குடி முத்தையாபுரம் சாண்டி கல்வியியல் கல்லூரியில் குழந்தைகள் நலன் மற்றும் சிறப்பு சேவைகள் துறை சார்பாக குழந்தைகள் பாதுகாப்பு மன்ற தொடங்க விழா நடைபெற்றது. இதில், சாண்டி நிறுவனங்களின் துணைத் தலைவர் சாண்டி தலைமை வகித்தார். மாவட்ட குழந்தைகள் பாதுகாப்பு அலுவலர் அலெக்ஸ், குழந்தைகள் குழு தலைவர் ரூபன்கிஷோர் ஆகியோர் திருவிளக்கேற்றி நிகழ்ச்சியை தொடங்கி வைத்தனர். தொடர்ந்து, குழந்தைகள் நலன் சார்ந்த சட்டங்கள் திட்டங்கள், கொள்கைகள் குறித்து எடுத்துரைத்தனர். நிகழ்ச்சியில், மாணவ, மாணவியர் அனைவருக்கும் விழிப்புணர்வு கையேடுகள் வழங்கப்பட்டது. 

மேலும், குழந்தைகளுக்கான அவசர உதவி எண் 1098 குறித்த விழிப்புணர்வு தகவல் பலகை வெளியிடப்பட்டது. கல்லூரி முதல்வர், ஆசிரியர்கள், மாணவ, மாணவிகள் உள்ளிட்ட பலர் கலந்து கொண்டனர்.

செ.அந்தோணி இன்பராஜ், தூத்துக்குடி மாவட்ட செய்தியாளர்