கூட்டாம்புளியில் முதியோர் காப்பக புதிய கட்டிடத்தை கனிமொழி எம்.பி. திறந்து வைத்தார்.!
தூத்துக்குடி அருகே கூட்டாம்புளியில் முதியோர் காப்பகத்தின் புதிய கட்டிடத்தை கனிமொழி எம்.பி திறந்து வைத்தார்.
தூத்துக்குடி, புதுக்கோட்டை அருகே கூட்டாம்புளியில் அன்பு உள்ளங்கள் என்ற ஆதரவற்ற முதியோர், மனநலம் பாதிக்கப்பட்டோர் மற்றும் மாற்றுத் திறனாளிகள் காப்பகம் செயல்பட்டு வருகிறது. இந்த காப்பகத்தில் கூடுதலாக புதிய கட்டிடம் கட்டப்பட்டு திறப்பு விழா நடைபெற்றது. விழாவில், இல்ல நிர்வாகி விஜயா சத்திய சாமுவேல் தலைமை வகித்தார். செயலாளர் தங்கதீபா வரவேற்த. குருவானவர் ஜஸ்டின் ஆரம்ப ஜெபம் செய்தார். விழாவில், திமுக துணைப் பொதுச் செயலாளர் கனிமொழி எம்.பி கலந்து கொண்டு முதியோர் இல்ல புதிய கட்டடத்தைத் திறந்து வைத்து பேசுகையில்:
கடந்த 1992ஆம் ஆண்டு சிறியதாக ஆரம்பித்து செயல்பட்டு வந்த அன்பு உள்ளங்கள் முதியோர் மற்றும் மனநலம் பாதிக்கப்பட்டோர் காப்பகம் பலருடைய பங்களிப்பால் இன்று பலருக்கும் நன்மை பயக்கும் இல்லமாக அமைந்துள்ளது. சமூக சேவை என்பது தன்னால் முடிந்த உதவிகளை கொண்டு மற்றவர்களுக்கு உதவுவதுதான் அதிலும் முதியோர்கள், ஆதரவற்றவர்களுக்கு உதவுவது சாதாரண காரியம் அல்ல. பொதுவாகவே சமூகசேவையில் இருப்பவர்கள் எவ்வளவு சிரமங்களை சந்திக்க வேண்டியிருக்கும் என்பது அனைவருக்கும் தெரியும். காரணம் அதே ஊரில் இரண்டு பேர் சிறிய பிரச்சனைகளை கிளப்பி அதற்கு தடையாக இருப்பார்கள். அந்த தடைகளையும் தாண்டி போராடி நடத்தப்படும் இந்த இல்லம் மேலும் பல விரிவாக்கத்துடன் செயல்பட வேண்டும். அதற்கு எங்களால் முடிந்த உதவிகளை செய்து கொடுப்போம் என்றார்.
விழாவில் வடக்கு மாவட்ட திமுக செயலாளரும், சமூகநலன் மற்றும் மகளிர் உரிமைத்துறை அமைச்சருமான கீதாஜீவன், மேயர் ஜெகன் பெரியசாமி, தெற்கு மாவட்ட திமுக விளையாட்டு மேமம்பாட்டு அணி துணை அமைப்பாளர் ஜெயராஜ், சிறுபான்மை அணி தலைவர் ராஜா ஸ்டாலின், ஒன்றிய மகளிர் அணி அமைப்பாளர் வரலட்சுமி, அரசு வழக்கறிஞர் ஆனந்த்கேபரியல்ராஜ், வட்டார வளர்ச்சி அலுவலர் ஐகோட் மகாராஜா, மாநகர இளைஞர் அணி அமைப்பாளர் அருண்சுந்தர், பெருமாள் கோவில் அறங்காவலர் குழு தலைவர் செந்தில்குமார், திமுக தொழிலாளர் அணி மொபட்ராஜன், தொண்டரணி சைமன், இளைஞர் அணி சண்முகநாராயணன், போல்பேட்டை பகுதி திமுக பிரதிநிதிகள் பிரபாகரன், ஜேஸ்பர், லிங்கராஜா, மற்றும் கருணா, மணி, சங்கு குழி சங்க தலைவர் இசக்கிமுத்து, மரம்வரம் அறக்கட்டளை இயக்குநர் ராமன் உள்பட பலர் பங்கேற்றனர்.
செ.அந்தோணி இன்பராஜ், தூத்துக்குடி மாவட்ட செய்தியாளர்.
No comments