கஞ்சா விற்பனையில் ஈடுபட்ட 3 இளைஞர்களை கைது செய்த போலீசார் அவர்களிடம் இருந்து ரூ.50 ஆயிரம் மதிப்புள்ள கஞ்சாவை பறிமுதல்..

 

புதுச்சேரி கோரிமேடு காவல் நிலைய எல்லைக்கு உட்பட்ட தட்டாஞ்சாவடி மார்க்கெட் சுமிட்டி அருகே இளைஞர்கள் சிலர் சிறுவர்களுக்கு கஞ்சா விற்பனை செய்து வருவதாக போலீசாருக்கு நேற்று ரகசிய தகவல் கிடைத்தது. தகவல் அறிந்த சப்- இன்ஸ்பெக்டர் ரமேஷ் தலைமையிலான போலீசார் சம்பவ இடத்துக்கு சென்றனர். அப்போது இளைஞர்கள் போலீசாரை பார்த்துடன் தப்பி செல்ல முயன்றனர்.

 அவர்களை போலீசார் மடக்கி பிடித்து சோதனை செய்தனர். அப்போது அவர்களிடம் ரூ.50 ஆயிரம் மதிப்புள்ள 700 கிராம் கஞ்சா மறைத்து வைத்திருந்த தெரியவந்தது. இதையடுத்து போலீசார் 3 பேரை கைது செய்து காவல் நிலையத்துக்கு அழைத்து சென்று விசாரணை நடத்தினர்.

 விசாரணையில் எல்லையம்மன் நகரை சேர்ந்த தனுஷ் (20), சின்னயன்பேட்டை சேர்ந்த கார்த்திக்ராஜ் (19) மற்றும் செயின்ட் பால்பேட் பகுதியை சேர்ந்த கவுதம் (20) என்பது தெரியவந்தது. இதையடுத்து போலீசார் 3 பேர் மீது வழக்கு பதிந்து ரூ.50 ஆயிரம் மதிப்புள்ள கஞ்சாவை பறிமுதல் செய்தனர். பின்னர் நீதிமன்றத்தில் ஆஜர் படுத்தி மூவரையும் காலாப்பட்டு மத்திய சிறையில் அடைத்தனர்.