உதயநிதி ஸ்டாலின் பிறந்த நாளை முன்னிட்டு அரசுப் பள்ளி மாணவர்களுக்கு சீருடை, கல்வி உபகரணங்கள் எதிர்க்கட்சித் தலைவர் இரா. சிவா வழங்கினார் !

 

புதுச்சேரி மாநில இளைஞர் அணி சார்பில் கழக இளைஞர் அணி செயலாளரும் தமிழ்நாடு துணை முதல்வருமான உதயநிதி ஸ்டாலின் 47வது பிறந்தநாள் விழாவினை முன்னிட்டு, மாநில இளைஞர் அணி துணை அமைப்பாளர் ரெமிஎட்வின் ஏற்பாட்டில், உருளையன்பேட்டை கோவிந்தசாலை, பள்ளிக்கூட வீதியில் உள்ள அரசு ஆரம்ப பள்ளியில் பள்ளி மாணவர்களுக்கு விளையாட்டு உபகரணங்கள் மற்றும் விளையாட்டு சீருடைகள் வழங்கும் நிகழ்ச்சி இன்று நடைபெற்றது.

இந்நிகழ்ச்சிக்கு மாநில இளைஞர் அணி அமைப்பாளர் எல். சம்பத், எம்.எல்.ஏ., பொதுக்குழு உறுப்பினர் எஸ். கோபால் ஆகியோர் முன்னிலை வகித்தனர்.தொகுதி செயலாளர் இரா. சக்திவேல் வரவேற்றார்.

இந்த நிகழ்ச்சியில் மாநில கழக அமைப்பாளரும், சட்டமன்ற எதிர்க்கட்சித் தலைவருமான இரா. சிவா கலந்து கொண்டு, மாணவர்களுக்கு விளையாட்டு உபகரணங்கள் மற்றும் சீரடை வழங்கினார்.

இதில், திமுக மாநில துணை அமைப்பாளர் தைரியநாதன், பொதுக்குழு உறுப்பினர்கள் வே. கார்த்திகேயன், மாறன், வேலவன், பிரபாகரன், நர்கீஸ், தொகுதி செயலாளர்கள் நடராஜன், தியாகராஜன், மற்றும் உருளையன்பேட்டை தொகுதி கழக நிர்வாகிகள் பலரும் கலந்து கொண்டனர்.