வாடிக்கையாளர்கள் தொடர்ந்து பாண்லே பால் பொருட்களை அதிகளவில் வாங்கி பேராதரவு அளிக்குமாறு பாண்லே மேலாண் இயக்குநர் கேட்டுக் கொண்டுள்ளார்.

 

இது தொடர்பாக அவர் வெளியிட்டுள்ள அறிக்கையில்,

பாண்லே நிறுவனம், புதுச்சேரியில் துவங்கப்பட்ட முதல் கூட்டுறவு சங்கம். இது 101 கூட்டுறவு பால் உற்பத்தியாளர்களின் சங்கங்களை கொண்டுள்ளது.இந்தநிறுவனம், புதுச்சேரி மக்களுக்கு, 68 ஆண்டுகளுக்கும் மேலாக தரமும், சுவையும் நிறைந்த பாலை, குறைந்த விலையில் விற்பனை செய்து வருகிறது.இந்தியாவிலேயே பால் உற்பத்தி செய்யும் விவசாயிகளுக்கு, அதிக கொள்முதல் விலை வழங்கும் மற்றும் குறைந்த விலையில் பொதுமக்களுக்கு பால் விற்பனை செய்யும் நிறுவனம் பாண்லே என்பது குறிப்பிடத்தக்கது.

கூட்டுறவு சித்தாந்தம் மேம்படவும், பாண்லே நிறுவனம் தொடர்ந்து, பால் உற்பத்தியாளர்களுக்கும், பொதுமக்களுக்கும் நற்பணியாற்றிட வாடிக்கையாளர்களின் பேராதரவு இன்றியமையாததாகிறது.அதனால் வாடிக்கையாளர்கள் தொடர்ந்து பாண்லே பால் பொருட்களை அதிகளவில் வாங்கி பயன் பெற்று, கூட்டுறவு நிறுவனமான பாண்லே நிறுவனம் தனது வளர்ச்சி பாதையில், ஒரு புதிய மைல் கல்லை எட்டிட பேராதரவினை தொடர்ந்து நல்க வேண்டும் என குறிப்பிடப்பட்டுள்ளது.