இந்து சமய அறநிலையத்துறையின் சார்பில் ஈரோடு இணை ஆணையர் மண்டல திருக்கோயில்கள் சார்பாக 26 இணைகளுக்கு திண்டல், சைதன்யா சி.பி.எஸ்.சி. பள்ளி வளாகத்தில் திருமணம் நடைபெற்றது.
தமிழ்நாடு முதலமைச்சர் அவர்களின் வழிகாட்டுதலின்படியும். மாண்புமிகு இந்து சமய அறநிலையத்துறை அமைச்சர் அவர்களால் தமிழ்நாடு சட்டப்பேரவை அறிவிப்புகள் 2024-2025 அறிவிப்பு எண்.27-ன் படி பொருளாதாரத்தின் பின்தங்கிய இணைகளுக்கு திருக்கோயில்கள் சார்பாக 4 கிராம் பொன் தாலி உட்பட ரூ.60,000/- மதிப்பில் சீர்வரிசைகள் வழங்கி திருமண விழா நடத்தப்பட்டு வருகிறது. கடந்த ஆண்டு 600 இணைகளுக்கு திருக்கோயில்கள் சார்பாக திருமணம் நடத்தி வைக்கப்பட்டது.
இவ்வாண்டு கூடுதலாக 100 இணைகளை சேர்த்து ஒரு மண்டலத்திற்கு 35 இணைகள் வீதம் 700 இணைகளுக்கு திருக்கோயில்கள் சார்பாக திருமண விழா நடத்திவைக்கப்படும் என அறிவிப்பு வெளியிடப்பட்டதனைத் தொடர்ந்து ஈரோடு மாவட்டம். திண்டல் சைதன்யா சிபிஎஸ்சி பள்ளி வளாகத்தில், ஈரோடு இணை ஆணையர் மண்டல திருக்கோயில்கள் சார்பாக பொருளாதாரத்தில் பின்தங்கிய 26 இணைகளுக்கு நடைபெற்றது.
இந்த திருமணத்தில் பங்கேற்கும் ஒவ்வொரு இணைகளுக்கும் தாலி (தங்கம் 4,00 கிராம்), மெட்டி, பட்டு புடவை (ஜாக்கெட், பாவாடை), பட்டு வேஷ்டி சட்டை துண்டு, பாய், இரும்பு கட்டில், மெத்தை, தலையணை, பெட்சீட், கிரைண்டர், மிக்ஸி. கேஸ் அடுப்பு, மர பீரோ, சாமி படம். குத்து விளக்கு (பித்தளை), பூஜை தட்டு (பித்தளை). மணி (பித்தளை). பொங்கல் குண்டா, குங்கும சிமிழ், காபி குண்டா, வடிகட்டி, சாப்பாடு தட்டு, சிப்பி தட்டு, பொரியல் கிண்ணி, சிறிய பலகாரத்தட்டு, அடுக்கு குண்டா. டிபன் பாக்ஸ், சோப் டப்பா, பலகாரத்தட்டு, காய் வெட்டும் தட்டு சூரியுடன். கடாய். தாளிப்பு கரண்டி காய்வடி கூரை பெரியது. ஊது பத்தி ஸ்டேண்ட், பன்னீர் தெளிப்பான். தண்ணீர் ஜக்கு, சந்தன கிண்ணம், விபூதி கப், காப்பி தட்டு, டம்ளர். சம்புடம் ஸ்பூன். சிறிய குண்டா. பிளாஸ்டிக் பக்கெட். பிளாஸ்டிக் மக் உள்ளிட்ட சீர்வரிசை பொருட்கள் வழங்கப்படுகிறது. இதன் மதிப்பு ரூ.1,00,000-ஆகும்.
இந்நிகழ்வில் ஈரோடு நாடாளுமன்ற உறுப்பினர் திரு.கே.இ.பிரகாஷ். அந்தியூர் சட்டமன்ற உறுப்பினர் திரு.ஏ.ஜி.வெங்கடாசலம், ஈரோடு மாநகராட்சி மேயர் திருமதி.சு.நாகரத்தினம். துணை மேயர் திரு.வே.செல்வராஜ், மாவட்ட ஊராட்சிக்குழு தலைவர் திருமதி.நவமணி கந்தசாமி, இந்து சமய அறநிலையத்துறை ஈரோடு மண்டல இணை ஆணையர் திரு.அ.தி.பரஞ்ஜோதி, பண்ணாரி அருள்மிகு மாரியம்மன் திருக்கோயில் துணை ஆணையர்/ செயல் அலுவலர் திருமதி.இரா.மேனகா, ஈரோடு உதவி ஆணையர் திரு.இரா.சுகுமார், பவானி அருள்மிகு சங்கமேஸ்வரர் திருக்கோயில் உதவி ஆணையர் / செயல் அலுவலர்.எம்.அருள்குமார். ஈரோடு மாவட்ட செயல் அலுவலர்கள், ஆய்வாளர்கள் மற்றும் திருக்கோயில் பணியாளர்கள் மற்றும் உள்ளாட்சி அமைப்புகளின் பிரதிநிதிகள் கலந்து கொண்டனர்.
No comments