ரேஷன் அரிசி மூட்டைகள் ஏற்றி வந்த லாரி சாலையோரம் கவிழ்ந்தது டிரைவர் படுகாயம்.

திருவள்ளூர் மாவட்டம் கும்மிடிப்பூண்டி நுகர்பொருள் வாணிப கிடங்கில் இருந்து லாரி ஒன்று, 550 அரிசி மூட்டைகள் ஏற்றிக் கொண்டு இன்று மதியம் பள்ளிப்பட்டு நோக்கி புறப்பட்டது. லாரியை கும்மிடிப்பூண்டி கோட்டக்கரை சேர்ந்த குழந்தைசாமி மகன் ஜோசப்ராஜ் என்கிற ரகு,50 என்பவர் ஓட்டி வந்தார். மாலை, 5:30 மணிக்கு ரேஷன் அரிசி ஏற்றி வந்த லாரி திருத்தணி -  சோளிங்கர் மாநில நெடுஞ்சாலை ஆர்.கே.பேட்டை அருகே செல்லாத்துார் பேருந்து நிறுத்தம் அருகே வந்த போது டிரைவர் கட்டுப்பாட்டை இழந்த லாரி சாலையோரம் கவிழ்ந்து விபத்துக்குள்ளானது. இதில் டிரைவர் ரகு கால், கை மற்றும் உடம்பில் காயங்கள் ஏற்பட்டது. அவ்வழியாக சென்றவர்கள் டிரைவர் ரகுவை மீட்டு சோளிங்கர் அரசு மருத்துவமனையில் சிகிச்சைக்காக சேர்த்தனர். 

தகவல் அறிந்ததும் ஆர்.கே.பேட்டை போலீசார் சம்பவ இடத்திற்கு விரைந்து வந்து, சாலையோரம் கவிழ்ந்திருந்த லாரியில் இருந்து அரிசி மூட்டைகளை வேறொரு லாரியின் மூலம் பள்ளிப்பட்டு நுகர்பொருள் வாணிப கிடங்கிற்கு கொண்டு சென்றனர். மேலும், போலீசார் வழக்கு பதிந்து விசாரிக்கின்றனர்.