உளுந்தூர்பேட்டை அருகே ஊராட்சி ஒன்றிய நடுநிலைப்பள்ளி கிளாப்பாளையத்தில் மாநில டாக்டர் ராதாகிருஷ்ணன் நல்லாசிரியர் விருது பெற்ற அருணா.சூர்யகுமார் அவர்களுக்கு பாராட்டு விழா நடைபெற்றது.

கள்ளக்குறிச்சி மாவட்டம் உளுந்தூர்பேட்டை அருகே ஊராட்சி ஒன்றிய நடுநிலைப்பள்ளி கிளாப்பாளையத்தில் மாநில டாக்டர் ராதாகிருஷ்ணன் நல்லாசிரியர் விருது பெற்ற அருணா.சூர்யகுமார் அவர்களுக்கு பாராட்டு விழா நடைபெற்றது. இந்நிகழ்ச்சியில் வட்டார கல்வி அலுவலர் செல்வராணி அவர்கள் தலைமை தாங்கினார்.

ஊர் பொதுமக்கள் நல்லாசிரியர் விருது பெற்ற ஆசிரியருக்கு சிறப்பான வரவேற்பு அளித்தனர். இவ்விழாவில் ஆசிரியருக்கு பள்ளி மற்றும் ஊர் பொதுமக்கள் சார்பாக பொன்னாடை போர்த்தி மலர் மாலை அணிவித்து கேடயம் வழங்கப்பட்டது. இவ்விழாவில் ஒன்றிய ஆசிரியர் பெருமக்கள் பெருமளவில் கலந்து கொண்டு விருது பெற்ற ஆசிரியருக்கு வாழ்த்துக்களை தெரிவித்தனர். 

கிளாப்பாளையம் பள்ளி தலைமை ஆசிரியர் சவரிமுத்து அவர்கள் விழாவினை தொகுத்து வழங்கினார் விழாவினை பள்ளி ஆசிரியர்கள் சாந்தி,முரளிதரன், பழனி, குமரவேல், பாரதிராஜா, வசந்தகுமார், சிலம்பரசன்,ரம்யா, விழாவில் ஏற்புரை நிகழ்த்திய நல்லாசிரியர் அருணா.சூரியகுமார் அவர்கள் இவ்விருதிணை  கிளாப்பாளையம் கிராமத்தை சேர்ந்த பெற்றோர்களுக்கும் பள்ளி மாணவர்களுக்கும் அளித்த விருதாக கருதி மாணவர்களை வாழ்த்தி பேசினார். மேலும் பள்ளி மாணவர்கள் முன்னேற்றத்திற்கான அர்ப்பணிப்பு பணியை தொடர்ந்து செயல்படுத்துவேன் என்றும் பேசினார். 

நிகழ்ச்சியில் ஊர் பொதுமக்கள் முன்னாள் மாணவர்கள் பெருந்திரளாக கலந்து கொண்டனர். இறுதியாக நன்றி உரை வழங்கிய ரம்யா அவர்கள் விருதினை வழங்கிய தமிழ்நாடு அரசுக்கும் பள்ளிக்கல்வித்துறை அமைச்சருக்கும் சட்டமன்ற உறுப்பினருக்கும் நன்றி தெரிவித்தார் அத்துடன் விழாவில் பங்கேற்ற அத்துனை நல் உள்ளங்களுக்கும் நன்றி என தெரிவித்தார். 

விழா ஏற்பாடுகளை பள்ளி மேலாண்மை குழு மற்றும் பெற்றோர் ஆசிரியர்கள் செய்திருந்தனர் என்பது குறிப்பிடத்தக்கது.