உளுந்தூர்பேட்டை அருகே அஜீஸ் நகர் ரவுண்டானா பகுதியில் அதிவேகமாக வந்த கார் காவல் ஆய்வாளரின் கார் மீது மோதியதில் காவல் ஆய்வாளரின் கார் கவிழ்ந்து விபத்து.

விழுப்புரம் மாவட்டம் செஞ்சி மகளிர் காவல் நிலைய காவல் ஆய்வாளராக பணியாற்றி வரும் விஜி இன்று தனது வாகனத்தில் திருக்கோவிலூர் விநாயகர் சதுர்த்தி ஊர்வலத்தின் பாதுகாப்பு பணிக்காக கள்ளக்குறிச்சி மாவட்டம் உளுந்தூர்பேட்டை அருகே உள்ள ஆஜிஸ் நகர் ரவுண்டானா பகுதியில் சென்று கொண்டிருந்த போது சேலத்தில் இருந்து மேல்மருவத்தூர் நோக்கி சென்று கொண்டிருந்த சிவா என்பவர் ஓட்டி வந்த கார் அதிவேகமாக வந்து போலீசாரின் வாகனத்தின் மீது மோதியதில் போலீசாரின் வாகனம் தலை குப்புற  கவிழ்ந்து விபத்துக்குள்ளானது.

இந்த விபத்தில் போலீஸ் வாகனத்தின் ஓட்டுனர் ராதாகிருஷ்ணன் என்பவர் காயங்களுடன் உளுந்தூர்பேட்டை அரசு மருத்துவமனையில் அனுமதிக்கப்பட்டுள்ள நிலையில் இந்த விபத்தில் காவல் ஆய்வாளர் விஜி சிறு காயங்களுடன் உயிர்த்தப்பினார். தொடர்ந்து இந்த விபத்து குறித்து உளுந்தூர்பேட்டை போலீசார் வழக்கு பதிவு செய்து விசாரணை மேற்கொண்டு வருகின்றனர்.

திருக்கோவிலூரில் விநாயகர் சதுர்த்தி ஊர்வல பாதுகாப்பு பணிக்காக சென்று கொண்டிருந்த காவல் ஆய்வாளரின் கார் விபத்தில் சிக்கிய சம்பவம் காவல்துறையினர் மத்தியில் பெரும் பரபரப்பை ஏற்படுத்தியுள்ளது.