சமூக சேவையில் விழுப்புரத்தின் கவனத்தை ஈர்த்த பட்டதாரி இளைஞர் சந்துரு.

விழுப்புரம் மாவட்டம் விக்கிரவாண்டி வட்டம் மேலக்கொந்தை கிராமத்தைச் சார்ந்த சந்துரு குமார் என்ற பட்டதாரி இளைஞர் விழுப்புரம் கள்ளக்குறிச்சி கடலூர் திருவண்ணாமலை பாண்டிச்சேரி ஆகிய பகுதிகளில் மனிதம் காப்போம் என்ற குழுவின் மூலமாக கடந்த 6 ஆண்டுகளாக சேவை செய்து வருகிறார். நண்பர்களோடு இணைந்து ரத்ததானம் செய்வதற்காக தொடங்கப்பட்ட இக்குழு இன்று அவசர காலத்தில் ரத்த தானம் செய்தல், இரத்ததான முகாம் நடத்துதல், மரக்கன்றுகள் நடுதல், சாலையோர மக்களுக்கு உணவு வழங்குதல், கல்வி உதவி செய்தல், போதைப்பொருள் விழிப்புணர்வு ஏற்படுத்துதல், மாற்றுத்திறனாளிகளுக்கு உதவி செய்தல் என பல்வேறு சமூக சேவைகளை செய்து வருகிறார், குறிப்பாக விழுப்புரம், கள்ளக்குறிச்சி, கடலூர், புதுச்சேரி, திருவண்ணாமலை மற்றும் உளுந்தூர்பேட்டை பகுதிகளில் அவசர கால ரத்த சேவையை அரசு மருத்துவமனைகளோடு இணைந்து அவை போது பூர்த்தி செய்து இரத்ததான முகாம்களையும் ஒருங்கிணைத்து வருகிறார். 

5 ஆண்டுகளுக்கு முன்பு சந்துரு என்ற தனி நபரால் தொடங்கப்பட்ட இந்த மனிதம் காப்போம் குழுவில் என்றளவில் 600 க்கும் மேற்பட்ட இளைஞர்கள் பெண்கள் இனைந்து பலர் சேவையை செய்து வருகின்றனர், தமிழக அரசின் சார்பில் பாராட்டு சான்றிதழ்கள், பசுமை முதன்மையாளர் விருது மற்றும் ரூபாய் 1 லட்சம், டாக்டர் அப்துல் கலாம் விருதுகள், அறம் விருதுகள், என பல்வேறு அமைப்புகள் சமூக தொண்டு நிறுவனங்கள்  தோழர் சந்துரு மற்றும் மனிதம் காப்போம் குழுவை பாராட்டி வருகின்றனர்.

அதுமட்டுமல்லாமல் தமிழ்நாடு அரசுடன் இணைந்து ஒரு கோடி பண விதைகள் நடும் நெடும்பனியையும் ஒருங்கிணைத்து வருகிறார் ,சமீபத்தில் நடிகர் கார்த்தி சந்துரு அவர்களின் சேவையை பாராட்டி  1 லட்சம் காசோலை மற்றும் சான்றிதழ் வழங்கி கௌரவித்தார்,  தொடர்ந்து மக்களுக்காக மக்கள் சேவை செய்து வரும் சந்துரு அவர்களையும் மனிதம் காப்போம் குழு ஒருங்கிணைப்பாளர்கள் மற்றும் தன்னார்வலர்களையும்பொதுமக்கள் வெகுவாக பாராட்டி வருகின்றனர்.