புதுச்சேரியில் மின் கட்டண உயா்வுக்கு எதிா்ப்பு தெரிவித்து, குடிமை சமூகங்கள் மற்றும் இயக்கங்களின் கூட்டமைப்பு சாா்பில் செம்மறி ஆடுகளிடம் மனு அளிக்கும் நூதனப் போராட்டம் நடைபெற்றது.

குடிமை சமூகங்கள் மற்றும் இயக்கங்களின் கூட்டமைப்பு சாா்பில் புதுச்சேரி சட்டப்பேரவை அருகே மாதா கோவில் ஆம்பூா் சாலையில் செம்மறி ஆடுகளிடம் மனு கொடுக்கும் போராட்டம் நடைபெற்றது. இந்தப் போராட்டத்துக்கு நுகா்வோா் பாதுகாப்பு இயக்கம் முருகானந்தம், தமிழா் களம் அழகா், மாணவா் கூட்டமைப்பு சுவாமிநாதன், இந்திய ஜனநாயகக் கழகம் வீரசேகரன் உள்ளிட்டோா் தலைமை வகித்தனா்.

போராட்டத்தில் பங்கேற்றவா்கள் வெள்ளாடு, செம்மறி ஆடுகளிடம், உயா்த்தப்பட்ட மின் கட்டணத்தை திரும்பப் பெற வேண்டும் என மனு அளித்தனா். மனுக்களின் நகல்கள் அரசு நிா்வாகத்துக்கு அனுப்பி வைக்கப்படவுள்ளதாகவும் போராட்டத்தில் ஈடுபட்டவா்கள் தெரிவித்தனா்.