சீர்காழியில் சாலையில் சென்று கொண்டிருந்த காரின் முன் பக்க எஞ்சின் பகுதியில் இருந்து திடீர் புகை காரை நிறுத்துவதற்குள் என்ஜின் பகுதியில் தீ எரியத் தொடங்கியதால் அதில் வந்தவர்கள் நடுரோட்டில் காரை நிறுத்தி உயிர் தப்பினர்.

சீர்காழி அருகே மேலப்பெரும்பள்ளம் கிராமத்தை சேர்ந்த தம்பதியினர் சீர்காழியில் நடைபெற்ற திருமண நிகழ்ச்சி ஒன்றில் பங்கேற்று விட்டு மீண்டும் தங்கள் வீட்டுக்கு சென்று கொண்டிருந்தனர். அப்போது சீர்காழி பிடாரி தெற்கு வீதி பிரதான சாலையில் கார் சென்று கொண்டிருந்த போது கார் முன்பக்கத்திலிருந்து புகை வர தொடங்கியது இதனை கவனித்த ஓட்டுனர் செந்தில் காரை நிறுத்துவதற்குள் காரின் முன் பக்கம் என்ஜின் பகுதியிலிருந்து தீ பற்றி எரிய தொடங்கியது இதனால் காரில் இருந்த பெண் உள்ளிட்ட மூன்று பேரும் அவசரமாக காரை விட்டு கீழே இறங்கினர். இதுகுறித்து சீர்காழி தீயணைப்புத் துறைக்கு தகவல் அளித்து தீயணைப்பு வீரர்கள் விரைந்து வந்து காரில் பிடித்த தீயை அணைத்தனர். திடீரென தீப்பிடித்த சம்பவம் பெரும் பரபரப்பை ஏற்படுத்தியது.