சீர்காழி டெம்பிள் டவுன் ரோட்டரி சங்கம் சார்பில் 700 பள்ளி ஆசிரியர்களுக்கு விருது வழங்கப்பட்டது.

மயிலாடுதுறை மாவட்டம், சீர்காழி டெம்பிள் டவுன் ரோட்டரி சங்கம் சார்பில் விவேகானந்தா மெட்ரிக் மேல்நிலைப் பள்ளியில் ஆசிரியர் தின விழா நடைபெற்றது. சங்கத்தின் தலைவர் கோபாலகிருஷ்ணன் தலைமை வகித்தார். பள்ளி செயலர் கே. வி. ராதாகிருஷ்ணன், பள்ளி முதல்வர் ஜோஸ்வா பிரபாகர் சிங், சங்கத்தின் செயலாளர் வினோத், பொருளாளர் நாகமுத்து ஆகியோர் முன்னிலை வகித்தனர். 

ரோட்டரி உதவி ஆளுநர் சி. பாலாஜி பங்கேற்று ஆசிரியர், ஆசிரியர்களுக்கு விருது மற்றும் நினைவு பரிசுகளை வழங்கினார். இதில் முன்னாள் தலைவர் ரவிச்சந்திரன், துறை மற்றும் விஜயன் உள்ளிட்ட பலர் பங்கேற்றனர். இதேபோல் சீர்காழியில் உள்ள சபாநாயகர் முதலியார் இந்து மேல்நிலைப்பள்ளி, பெஸ்ட் மெட்ரிக் மேல்நிலைப்பள்ளி, நகராட்சி பள்ளி, வாணி விலாஸ் உதவி பெறும் தொடக்கப்பள்ளி உள்ளிட்ட 22 பள்ளிகளைச் சேர்ந்த 700 ஆசிரியர், ஆசிரியர்களுக்கு டெம்பில் டவுன் ரோட்டரி சங்கம் நினைவு பரிசு வழங்கி கௌரவித்தது.