புதுச்சேரியில் பள்ளி மாணவர்களை ஏற்றி சென்ற ஆட்டோ, இருசக்கர வாகனத்தின் மீது மோதி கவிழ்ந்து விபத்து.

புதுச்சேரியில் பள்ளி மாணவர்களை ஏற்றி சென்ற ஆட்டோ, இருசக்கர வாகனத்தின் மீது மோதி கவிழ்ந்து விபத்துகுள்ளானதில் ஐந்துக்கும் மேற்பட்ட மாணவர்கள் காயமடைந்த சிசிடிவி விடியோ சமூக வலைதளங்களில் வைரலாகி பார்ப்போரை அதிர்ச்சி அடைய வைத்துள்ளது.

புதுச்சேரியில் தனியார் பள்ளியில் இருந்து மாலையில் மாணவர்களை ஏற்றிக்கொண்டு காமராஜர் சாலை வழியாக ஆட்டோ வந்து கொண்டிருந்தது. அப்பொழுது 45 ரோடு சிக்னலில் திரும்பும் போது எதிர்பாராத விதமாக எதிரே வந்த இருசக்கர வாகனத்தின் மீது மோதியது. இதில், நிலை தடுமாறி ஆட்டோ மாணவர்களுடன் கவிழ்ந்தது. இதில் மாணவர்களுக்கு லேசான காயங்கள் ஏற்பட்டது. உடனடியாக காவல்துறையினர் மற்றும் அருகில் இருந்த பொதுமக்கள் அவர்களை மீட்டு அரசு பொது மருத்துவமனைக்கு அனுப்பி வைத்தனர். இதனுடைய சிசிடிவி காட்சி தற்போது வெளியாகி பார்ப்போரை அதிர்ச்சி அடைய வைத்துள்ளது.