பேரறிஞர் அண்ணாவின் 116 ஆவது பிறந்தநாள் அண்ணா சிலைக்கு மாலை அணிவித்து அதிமுகவினர் மரியாதை.

பேரறிஞர் அண்ணாவின் 116வது பிறந்த நாளையொட்டி காரைக்கால் மாவட்ட அதிமுக சார்பில், கோட்டுச்சேரி கடைத்தெருவில் உள்ள அறிஞர் அண்ணாவின் திருவுருவ சிலைக்கு, மாவட்ட செயலாளர் எம்.வி.ஓமலிங்கம் தலைமையில் மாலை அணிவித்து மரியாதை செலுத்தப்பட்டது, அதனைத் தொடர்ந்து பொது மக்களுக்கு இனிப்பு வழங்கி கொண்டாடப்பட்டது. 

இந்நிகழ்ச்சியில்  மாவட்ட, நகர, தொகுதி, கிளை நிர்வாகிகள், பொதுக்குழு உறுப்பினர்கள், மாவட்ட பிற அணி நிர்வாகிகள் கலந்து கொண்டு அண்ணாவின் திருவுருவ சிலைக்கு மாலை அணிவித்து மரியாதை செலுத்தினர். இதுபோல தமிழ்நாடு அரசு போக்குவரத்து கழக பணிமனை காரைக்கால் கிளையில் அதிமுக கட்சி கொடி மற்றும் தொழிற்சங்க கொடி ஏற்றப்பட்டு பேரறிஞர் அண்ணாவின் திருவுருவப்படத்திற்கு மாலை அணிவித்து மலர் தூவி மரியாதை செய்யப்பட்டது. 

இந்நிகழ்ச்சியில் மாவட்ட செயலாளர் ஓமலிங்கம், நாகை மண்டல பொருளாளர் நமச்சிவாயம், கிளைத் தலைவர் தேவாதி ராஜன் கிளை செயலாளர் கேசவன் கிளை பொருளாளர் மதியழகன் உள்ளிட்ட ஏராளமான அண்ணா தொழிற்சங்க நிர்வாகிகள் கலந்து கொண்டனர். நிகழ்ச்சியின் இறுதியில் பணி ஓய்வு பெற்ற தொழிற்சங்க நிர்வாகிகளுக்கு கேடயம் வழங்கி சிறப்பிக்கப்பட்டது.