நடிகர் விஜய் நடித்த கோட் படம் வெற்றி பெற்றதையடுத்து திருச்செந்தூர் சுப்பிரமணிய சுவாமி கோவிலில் நடிகர் பிரேம்ஜி சுவாமி தரிசனம் செய்தார்.

முருகனின் அறுபடை வீடுகளில் இரண்டாம் படை வீடாக விளங்குகிறது திருச்செந்தூர் சுப்பிரமணிய சுவாமி கோயில். இந்த கோவிலுக்கு நாள்தோறும் ஏராளமான பக்தர்கள் வருகை தந்த வண்ணம் உள்ளனர். பக்தர்கள் மட்டுமின்றி வெளிமாநிலங்கள், வெளிநாடுகளைச் சேர்ந்தவர்கள் மற்றும் அரசியல் பிரமுகர்கள், திரைப்பிரபலங்களும் கோவிலுக்கு சுவாமி தரிசனம் செய்ய வருகை தந்து வருகின்றனர்.

இந்த நிலையில் இன்று நடிகர் பிரேம்ஜி தனது மனைவியுடன் திருச்செந்தூர் சுப்பிரமணிய சுவாமி கோவிலில் சுவாமி தரிசனம் செய்ய வருகை தந்தனர். அவர்கள் திருச்செந்தூர் மூலவர், சண்முகர், வள்ளி தெய்வானை, தட்சிணாமூர்த்தி மற்றும் சத்ரு சம்ஹார மூர்த்தி ஆகியோரை வணங்கினர். கோவிலில் தரிசனம் முடித்து வெளியே வந்த நடிகர் பிரேம்ஜியுடன் பக்தர்கள் நின்று புகைப்படம் எடுத்தும், செல்பி எடுத்தும் கைகொடுத்தும் மகிழ்ந்தனர். விஜய் நடித்த கோட் படம் மிகப்பெரிய வெற்றியடைந்ததை கொண்டாடும் விதமாக இன்று முருகனை தரிசனம் செய்ய வந்ததாக பிரேம்ஜி கூறினார்.

- திருச்செந்தூர் தாலுகா செய்தியாளர் பெ.முகேஷ்