திண்டிவனம் அரசு கல்லூரியில் வேதியியல் துறை முதலாம் ஆண்டு மாணவர்கள் வரவேற்பு விழா.

விழுப்புரம் மாவட்டம் திண்டிவனம் கோவிந்தசாமி அரசு கலைக்கல்லூரியில் வேதியல் துறையில் முதலாம் ஆண்டு மாணவர்களுக்கு வரவேற்பு விழா மற்றும் வேதியியல் மன்ற விழா நடைபெற்றது. கல்லூரி முதல்வர் முனைவர் நாராயணன் தலைமையில் நடைபெற்ற இந்நிகழ்ச்சியில் திருவண்ணாமலை கலைஞர் கருணாநிதி அரசு கலைக் கல்லூரி இணை பேராசிரியர் முனைவர் கணபதி மற்றும் சென்னை பாரதி பெண்கள் அரசு கலைக் கல்லூரி இணை பேராசிரியர் முனைவர் பத்மா ஆகியோர் கலந்து கொண்டு சிறப்புரையாற்றினர். வேதியல் துறை முதலாம் ஆண்டு மாணவர்களுக்கு பொன்னாடை போர்த்தி வரவேற்றனர். இந்நிகழ்ச்சியை வேதியியல் துறை தலைவர் இணை பேராசிரியர் கண்ணன் ஒருங்கிணைத்தார்.