புதுவையில் "கப்பலோட்டிய தமிழன்" வ.உ. சிதம்பரனாரின் 153வது பிறந்த நாள் விழா.

"கப்பலோட்டிய தமிழன்" வ.உ. சிதம்பரனாரின் 153வது பிறந்த தினத்தையொட்டி பாரதி பூங்காவில் உள்ள அவரது சிலைக்கு அமைச்சர் லட்சுமி நாராயணன் மற்றும் சட்டமன்ற உறுப்பினர்கள் மாலை அணிவித்து மரியாதை செலுத்தினார்கள்.

புதுச்சேரி அரசு சார்பில் "கப்பலோட்டிய தமிழன்" வ.உ. சிதம்பரனாரின் 153வது பிறந்தநாள் விழா கொண்டாடப்பட்டது. இதனையொட்டி, பாரதி பூங்காவில் அமைந்துள்ள அவரது திருவுருவ சிலைக்கு பொதுப்பணித்துறை அமைச்சர் லட்சுமி நாராயணன், அரசு கொறடா ஏகேடி ஆறுமுகம் மற்றும் சட்டமன்ற உறுப்பினர் கேஎஸ்பி ரமேஷ் ஆகியோர் மாலை அணிவித்து மரியாதை செலுத்தினார்கள்.

அதனைத் தொடர்ந்து அதிமுக மாநில செயலாளர் அன்பழகன் தலைமையில் நிர்வாகிகள் மற்றும் புதிய நீதி கட்சி புதுச்சேரி மாநில தலைவர் பொன்னுரங்கம் தலைமையில் நிர்வாகிகள் உட்பட பல்வேறு அமைப்புகளை சார்ந்த நிர்வாகிகள் வ.உ.சி சிலைக்கு மாலை அணிவித்து மரியாதை செலுத்தினார்கள்.

- இரா.சரவணன் செய்தியாளர் புதுச்சேரி