புதுச்சேரி முத்தியால்பேட்டை ஸ்ரீ லட்சுமி ஹயக்ரீவர் பெருமாள் திருக்கோவிலின் 53 வது பிரமோற்சவ விழா.

புதுச்சேரி முத்தியால்பேட்டை ஸ்ரீ லட்சுமி ஹயக்ரீவர் பெருமாள் திருக்கோவிலின் 53 வது பிரமோற்சவ விழாவையொட்டி ஹயக்ரீவ பெருமாள் சூர்ணோத்ஸவம் கோரதத்தில் எழுந்தருளி பக்தர்களுக்கு காட்சி அளித்தார்.

புதுச்சேரி முத்தியால்பேட்டை ராமகிருஷ்ணா நகர் பகுதியில் அமைந்துள்ளது ஸ்ரீ லட்சுமி ஹயக்ரீவ திருக்கோவில். இந்த திருக்கோவிலில் எழுந்தருளியுள்ள ஸ்ரீ லட்சுமி ஹயக்ரீவ பெருமாளுக்கு 53 வது ப்ப்ரமோற்சவ விழா 07 ஆம் தேதி கொடியேற்றத்துடன் தொடங்கியது. தினந்தோறும் ஹயக்ரீவர் பல்வேறு வாகனங்களில் எழுந்தருளி பக்தர்களுக்கு காட்சி அளித்து வருகின்றார். 

இதனைத்தொடர்ந்து பல்வேறு வண்ண மலர்களால் அலங்கரிக்கப்பட்ட ஹயக்ரீவ பெருமாளுக்கு சோடச  தீபாராதனை காட்டப்பட்டு, மின்விளக்குகளால் அலங்கரிக்கப்பட்ட சூர்ணோத்ஸவம் கோரதத்தில் திருவீதி உலா நடைபெற்றது. இதில் பக்தர்கள் பலரும் கலந்துகொண்டு ஹயக்ரீவ பெருமாளை வழிபட்டு சென்றனர்.