உலகப் புகழ்பெற்ற குலசை தசரா திருவிழா குறித்து தசரா குழுவினருடன் திருச்செந்தூர் டிஸ்பி வசந்த் குமார் தலைமையில் ஆலோசனைக் கூட்டம் நடைபெற்றது.

தூத்துக்குடி மாவட்டத்தில் உள்ள உலகப் புகழ் பெற்ற குலசேகரன்பட்டினத்தில் தசரா திருவிழா வருகிற அக்டோபர் 03.10.24 ஆம் தேதி கொடியேற்றத்துடன் துவங்குகிறது. விழாவையொட்டி, தமிழகத்தின் பல்வேறு மாவட்டங்களில் இருந்தும் லட்சக்கணக்கான பக்தர்கள் கலந்து கொள்வர்.

பக்தர்கள் மற்றும் தசரா குழுவினரின் நலன் கருதி அவர்களது முன்னேற்பாடுகள், பேருந்து வசதிகள், பாதுகாப்பு ஏற்பாடுகள் குறித்து திருச்செந்தூர் காவல்துறை துணை கண்காணிப்பாளர்  வசந்த ராஜ், அறங்காவலர் குழு தலைவர் கண்ணன், செயல் அலுவலர்  ராமசுப்ரமணியம், காவல் ஆய்வாளர் ராஜாராம் தலைமையில் தசரா குழுவினருடன் குலசேகரப்பட்டினம் தசரா திருவிழா குறித்த ஆலோசனைக் கூட்டம் நடைபெற்றது.

இதில் மாலை அணிந்து விரதம் மேற்கொண்டு வரும் பக்தர்களுக்குத் தேவையான அடிப்படை வசதிகள், கார் பார்க்கிங் வசதிகள், பக்தர்கள் தரிசனம் செய்ய வந்து செல்வதற்கு எளிதான முறையில் ஏற்பாடுகள் செய்யக் கோரியும் பல்வேறு கோரிக்கைகள் முன் வைக்கப்பட்டது. 

திருச்செந்தூர் தாலுகா செய்தியாளர் பெ. முகேஷ்