சீர்காழி அருகே புத்தூர் அரசு பாலிடெக்னிக் கல்லூரி முதலமைச்சர் கோப்பைக்கான விளையாட்டு போட்டியில் வெற்றி.

மயிலாடுதுறை மாவட்டம், கொள்ளிடம் அருகே புத்தூர் சீனிவாச சுப்பராயா அரசு தொழில்நுட்பக் கல்லூரி சமீபத்தில் மயிலாடுதுறையில் மாவட்ட அளவில் நடைபெற்ற, மாவட்ட அளவிலான முதலமைச்சர் கோப்பைக்கான கல்லூரிகளுக்கு இடையிலான விளையாட்டுப் போட்டியில் கலந்து கொண்டு விளையாடினர். இதில் மாவட்டத்தில் உளள அனைத்து கல்லூரிகளைச் சேர்ந்த சுமார் ஆயிரம் மாணவர்கள் அனைத்து விளையாட்டுப் போட்டிகளிலும் பங்கு பெற்று விளையாடினர். 

இதில் டேபிள் டென்னிஸ் போட்டியில் வினித் மற்றும் ஷர்மா ஆகிய இருவரும் வெற்றி பெற்று முதல் இடம் பெற்று மாநில அளவிலான போட்டியில் கலந்து கொள்ள தகுதி பெற்றனர். செஸ் போட்டியில் விக்னேஷ் மாநில அளவில் கலந்து கொள்ள தகுதி பெற்றார்.இறகு பந்தாட்ட போட்டியில் அப்துல் கலாம் மற்றும் விஷ்ணு மாவட்ட அளவில் இரண்டாம் இடம் பெற்றனர். பேஸ்கட் பால் போட்டியில் மூன்றாம் இடம் பெற்றனர். கபடி போட்டியில் மூன்றாம் இடத்தில் வெற்றி பெற்றனர்.மேலும் தடகளம் மற்றும் சிலம்பாட்ட போட்டிகளிலும் மாணவர்கள் இரண்டாம் இடம் மற்றும் மூன்றாம் இடம் பெற்றனர்.

கபடி போட்டியில் காளிதாஸ், கூடை பந்தாட்ட போட்டியில் ஹரி, ரிஷி, அவினாஷ், செஸ் போட்டியில் விக்னேஷ், டேபிள் டென்னிஸ் போட்டியில் ஷர்மா மற்றும் விக்னேஷ் மாநில அளவிலான முதலமைச்சர் கோப்பையில் பங்கு பெற தகுதி பெற்றுள்ளனர். வெற்றி பெற்ற மாணவர்களை கல்லூரியில் நடைபெற்ற நிகழ்ச்சியில், கல்லூரி முதல்வர் முனைவர் குமார்,துணை முதல்வர் ஆரோக்கியராஜ், கண்காணிப்பாளர் வைத்தியநாதன், அனைத்து துறை தலைவர்கள், ஆசிரியர்கள் மற்றும் ஊழியர்கள் வெற்றி பெற்ற மாணவர்களையும் உடற்கல்வி இயக்குனர் உமாநாத் அவர்களையும் பாராட்டினர்.