திண்டிவனம் அருகே பாம்பு கடித்து மூதாட்டி பலி.

விழுப்புரம் மாவட்டம் திண்டிவனம் அடுத்த நிறமாங்கணி கிராமத்தைச் சேர்ந்த முத்து மனைவி மாரியம்மாள் (65) இவர் நேற்று முன்தினம் இரவு தனது வீட்டின் வெளியே வாசலில் படுத்திருந்தார் அப்பொழுது காலில் ஏதோ கடித்தது போல் இருக்கவே எழுந்து பார்த்த போது அங்கு ஒரு பாம்பு சென்று கொண்டிருந்துள்ளது. இதனை அடுத்து அவரை குடும்பத்தினர் மீட்டு ஆவணிப்பூர் அரசு மருத்துவமனையில் சிகிச்சைக்காக மாரியம்மாவை அனுமதித்துள்ளனர். 

அங்கிருந்து மேல் சிகிச்சைக்காக திண்டிவனம் அரசு மருத்துவமனைக்கு கொண்டு வந்து சேர்த்த போது அவரை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்துள்ளனர். இது குறித்து ஒலக்கூர்  போலீசார் உடலை கைப்பற்றி பிரேத பரிசோதனைக்காக முண்டியம்பாக்கம் அரசு மருத்துவமனைக்கு அனுப்பி வைத்து வழக்கு பதிவு செய்து விசாரணை நடத்தி வருகின்றனர்.