குறுக்குச்சாலை கீதாஜீவன் கலை அறிவியல் கல்லூரியில் தேசிய ஊட்டச்சத்து மாத விழா.

தூத்துக்குடி அருகே குறுக்குசாலையில் உள்ள கீதாஜீவன் கலை அறிவியல் கல்லூரியில் தேசிய ஊட்டச்சத்து மாத விழா நடைபெற்றது. ஒட்டப்பிடாரம் வட்டார ஒருங்கிணைந்த குழந்தை வளர்ச்சி திட்ட பணிகள் சார்பில் நடைபெற்ற இவ்விழாவில் கல்லூரி முதல்வர் இளங்குமரன் வரவேற்று பேசினார். 

சிறப்பு சொற்பொழிவாளர் லதா, ஓருங்கிணைந்த சேவை மையம் கோவில்பட்டி நிர்வாக அலுவலர்கள் பொன்மாரி, பிரியாதேவி ஆகியோர் பங்கேற்று ஊட்டச்சத்தின் முக்கியத்துவம் குறித்து பேசினர். நிகழ்ச்சியில் ஊட்டச்சத்தின் முக்கியத்துவம், ரத்தசோகையை தவிர்க்கும் வழிமுறைகள் குறித்த விவரங்கள் கண்காட்சியாக வைக்கப்பட்டிருந்தது. கண்காட்சியில் கலந்து கொண்ட மாணவ, மாணவிகளுக்கு பரிசுகள் வழங்கப்பட்டது. 

இதில், நூற்றுக்கணக்கான கல்லூரி மாணவ, மாணவிகள் கலந்து கொண்டனர். விழாவிற்கான ஏற்பாடுகளை கல்லூரி பேராசிரியர்கள், அலுவலர்கள் செய்திருந்தனர். குழந்தை வளர்ச்சி திட்ட அலுவலர் திலகா நன்றி தெரிவித்தார்.