ஊசுடு சட்டமன்றத் தொகுதி முன்னாள் எம்எல்ஏ தீப்பாய்ந்தான் பிறந்தநாள் விழா ஊசுடு தொகுதியின் பல்வேறு இடங்களில் நலத்திட்ட உதவிகள் வழங்கப்பட்டது.

புதுவை மாநிலம், ஊசுடு சட்டமன்றத் தொகுதி முன்னாள் எம்எல்ஏ தீப்பாய்ந்தான்  தனது பிறந்த நாளை கொண்டாடினார். தொண்டமாநத்தம் கிராமத்தில் தீப்பாய்ந்தான் ஆதரவாளர்கள் ஏற்பாடு செய்திருந்த பிறந்தநாள் விழாவில் சபாநாயகர் ஏம்பலம் செல்வம் கலந்து கொண்டு தீப்பாய்ந்தானுக்கு பிறந்தநாள் வாழ்த்துக்களை தெரிவித்தார். 

அங்கு பொதுமக்களுக்கு புடவைகள் மற்றும் அன்னதானங்கள் வழங்கப்பட்டது. இதில் ஜெயக்குமார் ரெட்டியார், தமிழ்மாறன், மகேஷ்ரெட்டி உள்ளிட்ட பலர் கலந்து கொண்டனர். முன்னதாக காலை கற்பக விநாயகர் கோயிலில் தீப்பாய்ந்தான் பிறந்தநாளையொட்டி சிறப்பு அபிஷேகம் நடந்தது. சேதராப்பட்டு நாகரத்தினம் ஏற்பாடு செய்திருந்த நிகழ்ச்சியில் செந்தில்கவுண்டர் கலந்து கொண்டு பிறந்தநாள் வாழ்த்துக்களை தெரிவித்தார். 

அதனைத் தொடர்ந்து சேதராப்பட்டு  செங்கழுநீர் அம்மன் கோவில், கரசூர் தொடக்கப்பள்ளி வளாகம், கரசூர் வெற்றி விநாயகர் கோயில், பிள்ளையார்குப்பம், பத்துகண்ணு, கோபாலன் கடை ஆகிய பகுதியில் நடந்த பிறந்தநாள் விழாவில் நலத்திட்ட உதவிகள் வழங்கப்பட்டது. குரும்பாபேட் பகுதியில் நாட்டுப்புற கலையான ஒயிலாட்டம், மயிலாட்டம் தாரை தப்பட்டை முழுங்க தீப்பாய்ந்தனுக்கு உற்சாக வரவேற்பு அளிக்கப்பட்டு அங்குள்ள புற்றுமாரியம்மன் கோயிலில் சிறப்பு செய்யப்பட்டது.

அதனை தொடர்ந்து அன்னதானமும் பொது மக்களுக்கு நலத்திட்ட உதவிகளும் வழங்கப்பட்டது. பின்னர் கரசூரில் உள்ள தீப்பாய்ந்தான் வீட்டில் நடந்த பிறந்தநாள் விழா நிகழ்ச்சியில் அரசியல் பிரமுகர்கள் தொழிலதிபர்கள் பொதுமக்கள் கலந்து கொண்டு வாழ்த்து தெரிவித்தனர்.

- இரா.சரவணன் செய்தியாளர் புதுச்சேரி