சிங்காரப்பேட்டை அருகே அடையாளம் தெரியாத வாகனம் மோதி ஆண் புள்ளி மான் பலி.

கிருஷ்ணகிரி மாவட்டம் சிங்காரப்பேட்டை அடுத்த குரங்குக்கல் மேடு  பகுதியில் பெருமாள் கோவில் மலை அடிவாரத்தில் சிங்காரப்பேட்டை திருப்பத்தூர்  செல்லும் சாலையை கடக்க முற்பட்ட சுமார் இரண்டரை வயது கொண்ட  புள்ளிமான் ஒன்று அடையாளம் தெரியாத வாகனம்  மோதி  சாலையோரத்தில் விழுந்து பலியாகி உள்ளது.

சம்பவ இடத்திற்கு வந்த சிங்கராபேட்டை  வனத்துறையினர் இறந்த ஆன் புள்ளி மான் சடலத்தை மீட்டு வனத்துறை அலுவலகத்தில் பிரேத பரிசோதனை செய்து  நல்அடக்கம் செய்யப்பட்டது.

தொடர்ந்து சிங்காரப்பேட்டை பகுதியில் தெரு நாய்களின்தொல்லை அதிகரித்திருப்பதால் அவ்வப்போது மயில்,மான், உள்ளிட்ட வனவிலங்குகளை நாய்கள் கடித்து வருவதாகவும் இதனால் நாய்களுக்கு பயந்து சாலையை கடக்கும் பொழுது விபத்து ஏற்படுவதாகவும் அதன் மீது உடனடியாக நடவடிக்கை எடுக்க வேண்டும் எனவும் வனத்துறையினர் தெரிவித்தனர்.