மடுகரை கிராமத்தில் உள்ள ஸ்ரீ முத்துமாரியம்மன் ஆலயத்தில் நடைபெற்ற கும்பாபிஷேக விழாவில் திரளான பொதுமக்கள் பங்கேற்று சாமி தரிசனம் செய்தனர்.

புதுவை மாநிலம் அடுத்த மடுகரை ராம்ஜிநகர் பகுதியில் எழுந்தருளியுள்ள ஸ்ரீ மாரியம்மன் ஆலயத்தில் மகா கும்பாபிஷேக விழா சிறப்பான முறையில் நடைபெற்றது.

முன்னதாக கணபதி ஹோமம், மகா லட்சுமி ஹோமம்... நவகிரக ஹோமம், வாஸ்து ஹோமம், ஒன்று முதல் நான்கு வரையிலான யாகசாலை பூஜைகள் நடைபெற்றது. பின்னர் காலை 10 மணி அளவில் கலச புறப்பாடு நடைபெற்று விமான கலசத்திற்கு புனித நீர் ஊற்றப்பட்டது. தொடர்ந்து மூலவர் முத்துமாரியமன் மற்றும் பரிகார மூர்த்திகளுக்கு புனிதநீர் ஊற்றுப்பட்டது.

கும்பாபிசேக விழாவில் துணை சபாநாயகர் ராஜவேலு, உட்பட திரளான பக்தர்கள் பங்கேற்று சாமி தரிசனம் செய்தனர். விழாவிற்கான ஏற்பாடுகளை கோயில் அறங்காவல் குழுவினர் மற்றும் பொதுமக்கள் செய்திருந்தனர்.

- இரா.சரவணன் செய்தியாளர் புதுச்சேரி