புதுச்சேரி அரசு கல்வித்துறை மூலம் அரசு பள்ளியில் பயிலும் மாணவ மாணவிகளுக்கு விலையில்லா மிதிவண்டி மற்றும் மழையங்கி வழங்கப்பட்டது.

புதுச்சேரி அரசு கல்வித்துறை மூலம் அரசு பள்ளியில் பயிலும் மாணவ மாணவிகளுக்கு விலையில்லா மிதிவண்டி மற்றும் மழையங்கி வழங்கப்பட்டு வருகிறது, அதன்படி 10.09.2024 இன்று உருளையன்பேட்டை தொகுதிக்குட்பட்ட திரு.வி.க. அரசு ஆண்கள் உயர்நிலை பள்ளியில்  மிதிவண்டி மற்றும் மழை அங்கிகளை தொகுதி சட்டமன்ற உறுப்பினரும் புதுச்சேரி சட்டப்பேரவை அரசாங்க உறுதிமொழி குழு தலைவருமான நேரு(எ)குப்புசாமி மாணவர்களுக்கு வழங்கினார்.

இந்நிகழ்ச்சியில் பள்ளி தலைமை ஆசிரியர் ரூபஸ்  மற்றும் ஆசிரியர் பெருமக்கள் மேலும் மனிதநேய மக்கள் சேவை இயக்கத்தை சேர்ந்த ராமலிங்கம், குணசேகரன், வேலாயுதம், கைலாஷ், சாமிநாதன், சிவகுமார், அழகேசன், சிவராமன், காமராஜ், ஜோசப், முருகன், ஹரிஷ், மகேஷ், பிரபு மற்றும் பலர் கலந்து கொண்டனர். நிகழ்ச்சிக்கான ஏற்பாடுகளை பள்ளி ஆசிரியர் பெருமக்கள் வெகு சிறப்பாக செய்திருந்தனர்.