உளுந்தூர்பேட்டை தொகுதி எலவனாசூர்கோட்டையில் திமுக மேற்கு ஒன்றியத்தின் சார்பாக பொது உறுப்பினர்கள் ஆலோசனை கூட்டம் நடைபெற்றது.

கள்ளக்குறிச்சி மாவட்டம் எலவனாசூர்கோட்டையில் மேற்கு  ஒன்றியத்தின் சார்பாக உளுந்தூர்பேட்டை ஒன்றிய குழு பெரும் தலைவர் ராஜவேல்  தலைமையில் பொது உறுப்பினர்கள் ஆலோசனை கூட்டம்  நடைபெற்றது.

இதில்  கள்ளக்குறிச்சி வடக்கு மாவட்ட செயலாளர் உதயசூரியன் அவர்கள் கலந்து கொண்டு  அதில் செப்டம்பர் 15  பேரறிஞர் அண்ணா  பிறந்தநாள் விழா மற்றும் செப்டம்பர் 16 கழகத்தின் பவள விழா கொண்டாட வேண்டும் என்றும் 17ஆம் தேதி  பெரியார் 145 வது பிறந்த நாள் விழா  குறித்து நிர்வாகிகளுக்கு ஆலோசனை வழங்கினார்.

இந்நிகழ்ச்சியில் உளுந்தூர்பேட்டை சட்டமன்ற உறுப்பினர் மணிகண்ணன், மாவட்ட கவுன்சிலர் பிரியா பாண்டியன், தலைவர் நந்தகுமார்,  துணைத் தலைவர் ஷம்ஷாத், ஒன்றிய கவுன்சிலர்கள் சர்தார், பாலையம், பாக்கியராஜ், மாவட்ட கவுன்சிலர் அமுதா, மாநில பொதுக்குழு உறுப்பினர் ஆசிர்வாதம், அலெக்சாண்டர், ஆகியோர் கலந்து கொண்டனர்.

மேலும் உளுந்தூர்பேட்டை மேற்கு ஒன்றியத்திற்கு உட்பட்ட அனைத்து ஊராட்சிகளுக்கு  உறுப்பினர் அட்டை வழங்கப்பட்டது இதில் ஏராளமான திமுக நிர்வாகிகள் கலந்து கொண்டு  உறுப்பினர் அட்டையை  பெற்றுக் கொண்டனர்.