திருப்பட்டினம் பகுதியில் அன்னை தெரசா பட்ட மேற்படிப்பு மற்றும் ஆராய்ச்சி நிறுவனத்தின் சார்பில் டெங்கு விழிப்புணர்வு.

காரைக்கால் மாவட்டத்தில் உள்ள அன்னை தெரசா பட்ட மேற்படிப்பு மற்றும் ஆராய்ச்சி நிறுவனத்தின் சார்பாக காரைக்கால் திருமலைராயன்பட்டினம் பஞ்சாயத்தாருடன் இணைந்து போலகம், திருப்பட்டினம் பகுதியில் டெங்கு பற்றிய விழிப்புணர்வு நிகழ்ச்சியை நடத்தினர். இந்நிகழ்ச்சியில் இக்கல்லூரியின் மாணவர்கள் போலகப்பகுதியை சுற்றி ஆராய்ந்து டெங்கு காய்ச்சலை பரப்பும் கொசுக்கள் உற்பத்தியாவதற்கான நீர் தேக்கங்களை கண்டறிந்து அகற்றினர். மேலும் டெங்கு காய்ச்சலின் பரவும் வழிகள் மற்றும் அறிகுறிகள், முன்னெச்சரிக்கை நடவடிக்கைகள் அடங்கிய துண்டு பிரசுரங்களை அப்பகுதியில் உள்ள மக்களுக்கு வழங்கினார்கள்.