புதுச்சேரியில் வீட்டு வாசலில் நிறுத்தி வைக்கப்பட்டிருந்த இரு சக்கர வாகனத்தை மர்ம நபர் திருடி செல்லும் சிசிடிவி காட்சிகள் வெளியாகி பரபரப்பை ஏற்படுத்தியுள்ளது.

புதுச்சேரி- மூலக்குளம் பகுதியை சேர்ந்தவர் சுரேஷ். இவர் அருகே உள்ள கோவிந்தன் பேட்டையில் புதியதாக வீடு கட்டி வருகிறார். இந்த நிலையில் நேற்று முன்தினம் இரவு  புதிய வீட்டின் முன்பு நிறுத்தி வைக்கப்பட்டிருந்த  தனது இருசக்கர வாகனம் காணாமல் போனதாக மேட்டுப்பாளையம் காவல் நிலையத்தில் புகார் அளித்தார். 

புகாரின் பேரில், மேட்டுப்பாளையம் போலீசார் வழக்கு பதிவு செய்து அப்பகுதியில் இருந்த கண்காணிப்பு கேமராக்களை ஆய்வு செய்தனர். அதில், மர்ம நபர் ஒருவர் இருசக்கர வாகனத்தை திருடி செல்லும் காட்சிகள் பதிவாகி இருந்தது. மேலும் விசாரணையில், அவர் முத்திரப்பாளையத்தை சேர்ந்த தேவா என்பது தெரிய வந்தது. 

இதனை அடுத்து தேவாவை கைது செய்த போலீசார், அவரிடமிருந்து ரூ.75 மதிப்புள்ள இரு சக்கர வாகனத்தை பறிமுதல் செய்தனர். பின்னர் நீதிமன்றத்தில் ஆஜர்படுத்தி காலாப்பட்டு மத்திய சிறையில் அடைத்தனர்‌. இதனிடையே மர்ம நபர் இருசக்கர வாகனத்தை திருடி செல்லும் சிசிடிவி காட்சிகள் வெளியாகி பரபரப்பை ஏற்படுத்தியுள்ளது.