சீர்காழி விவேகானந்தா மெட்ரிக் பள்ளியின் விருது பெற்ற நல்லாசிரியருக்கு பாராட்டு விழா.

மயிலாடுதுறை மாவட்டம், சீர்காழி விவேகானந்தா மெட்ரிக் மேல்நிலைப் பள்ளியில் பணியாற்று வரும் முதுகலை கணித ஆசிரியை ஜெகதீஸ்வரிக்கு தமிழக அரசின் நல்லாசிரியர் விருது வழங்கப்பட்டது. அவரை கௌரவிக்கும் வகையில் பள்ளி நிர்வாகம் சார்பில் பாராட்டு விழாவானது விவேகானந்தா கல்வி குழுமங்களின் தலைவர் ராதாகிருஷ்ணன் தலைமையில் நடைபெற்றது. செயலர் அனிதா ராதாகிருஷ்ணன் முன்னிலை வகித்தார். 

முதல்வர் ஜோஸ்வா பிரபாகர் சிங் வரவேற்றார். சீர்காழி சட்டமன்ற உறுப்பினர் பன்னீர்செல்வம் நல்லாசிரியர் விருது பெற்ற ஆசிரியர் ஜெகதீஸ்வியை பாராட்டி பேசினார். தொடர்ந்து சாமுஇ பள்ளியின் தலைமை ஆசிரியர் அறிவுடைநம்பி, குட்சமாரிட்டன் பப்ளிக் பள்ளி இயக்குனர் அனுஷ்கா மேரி பிரவீன், விவேகானந்தா மகளிர் கல்லூரி முதல்வர் சுகந்தி ஆகியோர் பாராட்டி பேசினர். சிறப்பு ஆசிரியர் விருது பெற்ற முதுகலை தாவரவியல் ஆசிரியர் ராம்குமார், சீர்காழி டெம்பிள் டவுன் ரோட்டரி சார்பில் விருது பெற்ற 8 ஆசிரியர், ஆசிரியர்களை கௌரவத்தினர். நல்லாசிரியர் விருது பெற்ற ஆசிரியர் ஜெகதீஸ்வரி ஏற்புரை வழங்கினார். துணை முதல்வர் சரோஜா நன்றி கூறினார்.