உளுந்தூர்பேட்டையில் சீதாராம் யச்சூரி படத்திற்கு மலர் தூவி அஞ்சலி செலுத்தும் நிகழ்ச்சி நடைபெற்றது.

மார்க்சிஸ்ட் கம்யூனிஸ்ட் கட்சியின் அகில இந்திய பொதுச் செயலாளர் சீதாராம் யச்சூரி இயற்கை எய்தியதை முன்னிட்டு உளுந்தூர்பேட்டை யில் அனைத்து கட்சியின் சார்பில் நினைவஞ்சலி ஊர்வலம் மற்றும் படத்துக்கு மலர்தூவி  மரியாதை செலுத்தும் நிகழ்ச்சி நடைபெற்றது. 

உளுந்தூர்பேட்டை கடைவீதி, பேருந்து நிலையம் வழியாக நூற்றுக்கணக்கானவர்கள் செங்கொடியை ஏந்தியபடி அமைதி ஊர்வலம் சென்று பேருந்து நிலையத்தில் அலங்கரித்து வைக்கப்பட்ட சீதாராம் யச்சூரி படத்திற்கு திமுக எம் எல்ஏ மணிக்கண்ணன், நகர மன்ற தலைவர் திருநாவுக்கரசு மற்றும் கம்யூனிஸ்ட் கட்சி  மாவட்ட செயலாளர் ஜெய்சங்கர், மாநில மாவட்ட நிர்வாகிகள் ஆனந்தன். ஆறுமுகம்,  பழனி, செல்வராஜ், சேகர் ராஜோந்திரன், ஷேக் சலாவுதீன், ஸ்டாலின் சதீஷ்குமார், கவுன்சிலர் மனோபாலா, இந்திய கம்யூனிஸ்ட் கட்சி வெங்கடேசன், விடுதலை சிறுத்தைகள் கட்சி மாவட்ட செயலாளர் அறிவுக்கரசு, தமிழக வாழ் வுரிமைக்கட்சி மாவட்ட செயலாளர் ராஜேஷ், வியாபாரிகள் சங்க தலைவர் முகமதுகனி உள்ளிட்ட நூற்றுக்கணக்கானவர்கள் மலர்தூவி அஞ்சலி செலுத்தினர்.