புதுச்சேரியில் இண்டியா கூட்டணி சாா்பில் மின் கட்டண உயா்வைக் கண்டித்து நடைபெற்ற சாலை மறியல் போராட்டத்தில் ஈடுபட்ட 778 போ் மீது போலீஸாா் வழக்குப் பதிவு செய்துள்ளனர்.

புதுவையில் மின் கட்டண உயா்வைக் கண்டித்து இண்டியா கட்சிகள் சாா்பில் செப்.18-ஆம் தேதி முழு அடைப்புப் போராட்டம் நடைபெற்றது. அப்போது, புதுச்சேரி - கடலூா் சாலை சந்திப்பான வெங்கடசுப்பா சிலை அருகே இண்டியா கட்சியினா் சாலை மறியலில் ஈடுபட்டனா். இதுதொடா்பாக, புதுவை காங்கிரஸ் தலைவா் வைத்திலிங்கம், முன்னாள் முதல்வா் நாராயணசாமி, திமுக எம்எல்ஏக்கள் சிவா, அனிபால்கென்னடி, எல்.சம்பத், முன்னாள் அமைச்சா்கள் எஸ்.பி.சிவகுமாா், கந்தசாமி, முன்னாள் எம்எல்ஏ பாலன் உள்ளிட்ட 273 போ் மீது வழக்குப் பதியப்பட்டுள்ளது.