சென்னை - சூளூர்பேட்டை புறநகர் ரயிலில் பயணிகள் இருக்கைகளுக்கு கீழே கேட்பாரற்று கிடந்த 1.5 டன் ரேஷன் அரிசி பறிமுதல்.

சென்னை - சூளூர்பேட்டை புறநகர் ரயிலில் பயணிகள் இருக்கைகளுக்கு கீழே கேட்பாரற்று கிடந்த 1.5 டன் ரேஷன் அரிசி பறிமுதல். ஆந்திராவிற்கு கடத்த முயன்ற ரேஷன் அரிசியை பறிமுதல் செய்து வட்ட வழங்கல் அதிகாரி நடவடிக்கை.

சென்னை - சூளூர்பேட்டை ரயிலில் தொடர்ந்து ரேஷன் அரிசி கடத்தப்படுவதாக பொன்னேரி வருவாய்துறைக்கு தொடர்ந்து புகார்கள் வந்தன. இதனையடுத்து பொன்னேரி வட்ட வழங்கல் அலுவலர் ஜெய்கர் பிரபு தலைமையிலான அதிகாரிகள் குழுவினர் மீஞ்சூர் ரயில் நிலையம் முதல் பொன்னேரி ரயில் நிலையம் வரை ரயிலில் பயணித்து தீவிர சோதனை மேற்கொண்டனர். 

அப்போது பயணிகளின் இருக்கைகளுக்கு அடியில் மூட்டை மூட்டையாக ரேஷன் அரிசி இருந்தது தெரிய வந்தது. இதனையடுத்து ஆந்திராவிற்கு கடத்த முயன்ற 1.5 டன் ரேஷன் அரிசியை அதிகாரிகள் பறிமுதல் செய்தனர்.