மயிலாடுதுறை அருகே நடைபெற்ற கல்லூரி பஜார் நிகழ்ச்சியில் 90's-களின் நினைவுகளை நினைவூட்டிய நிகழ்வு.

மயிலாடுதுறை அருகே நடைபெற்ற கல்லூரி பஜார் நிகழ்ச்சியில் மாணவ மாணவிகளை கவர்ந்த 90 கிட்ஸ் மிட்டாய்கள், ஊதா கலரு ஜவ்மிட்டாய், புளி, கருப்பட்டி சேர்க்கப்பட்ட குச்சி மிட்டாய், கமர்கட்டு கல்கோனா மிட்டாய், சூட மிட்டாய், இலந்தை வடை இலந்தை ஜூஸ், உள்ளிட்ட ஆர்வத்துடன் வாங்கிச் சென்ற மாணவ மாணவிகள்.

மயிலாடுதுறை மாவட்டம் மயிலாடுதுறை அடுத்த மன்னன்பந்தல் தனியார் கல்லூரியில், ஊரக நகர்ப்புற வாழ்வாதார இயக்கம் சார்பில் கல்லூரி பஜார் நிகழ்ச்சியை மயிலாடுதுறை மாவட்ட கூடுதல் ஆட்சியர்  முகமது சபீர் ஆலம் துவக்கி வைத்தார். இந்த நிகழ்ச்சியில் மயிலாடுதுறை மாவட்டம் மட்டுமன்றி தமிழக முழுவதும் பல்வேறு பகுதிகளில் இருந்து வந்திருந்த மகளிர் சுய உதவி குழு பெண்களின் கைவினைப் பொருட்கள், ஆபரணங்கள் உடைகள் உள்ளிட்ட பொருட்களின் கண்காட்சி மற்றும் விற்பனை நடைபெற்றது. 

30க்கும் மேற்பட்ட கடைகள் அமைக்கப்பட்டு விற்பனை நடைபெற்றது. கைவினைப் பொருட்களைக் கொண்டு தயார் செய்யப்பட்ட தோடு ஜிமிக்கி கழுத்து மாலைகள் வளையல்கள் கல்லூரி பெண்களை வெகுவாக கவர்ந்த நிலையில், 90ஸ் கிட்ஸ் மிட்டாய் கடை ஆண்கள் பெண்கள் என அனைவரையும் வெகுவாக ஈர்த்தது. 

ஊதா கலரு ஜவ்மிட்டாய், புளி, கருப்பட்டி சேர்க்கப்பட்ட குச்சி மிட்டாய், கமர்கட்டு கல்கோனா மிட்டாய், சூட மிட்டாய், இலந்தை வடை இலந்தை ஜூஸ், மம்மி டாடி மிட்டாய், சிகரெட் மிட்டாய், பேப்பர் அப்பம், ஆரஞ்சு மிட்டாய் உள்ளிட்ட மிட்டாய் வகைகள் அனைவரையும் வெகுவாக கவர்ந்தது. 90 ஸ் கிட்ஸ்கள், பள்ளி வாசலில் இடைவேளையில் வாங்கி தின்ற திண்பண்டங்கள் மலரும் நினைவுகளை ஏற்படுத்துவதாக மாணவ மாணவிகள் தெரிவித்து சென்றனர்.